"H'wag ka nang tumuloy, Ashrah," sabi ni Zen, "Ayon sa research ni Yuri, wala pang nakakatalo sa Serfix."
Dumating na pala sila.
Binalewala ko ang sinabi ni Zen saka nagtanong, "Pa'no gagamitin ang invisibility?"
"Ashrah, makinig ka. Maaaring hindi nga totoo ang mundong 'to, at ayos lang mamatay sa loob ng Armenza. Pero, mararamdaman mo ang sakit."
Nandito na ako. Ngayon pa ba ako tatalikod? Isa pa, hindi ako si Xielo na kung nasa ganitong sitwasyon ay mahihimatay na siguro.
Ako si Ashrah. May kung anong nagsasabi sa 'kin na lumaban.
"Kung matalo man, at least lumaban." Napapikit ako, dahil sa lamig nang ihip ng hangin. Malaya nitong sinasayaw ang buhok kong kulay dalandan. May mga dahon at bulaklak na nakikisabay sa indayog ng hangin at nararamdaman ko ang marahan na dampi nila sa b
