HINDI akalain ni Giana na sa pagbubuntis niya sa pangalawang pagkakataon ay mahihirapan siya sa morning sickness na mararamdaman niya. Hindi kasi siya nahirapan noong nagbuntis siya kay Hershey sa paglilihi at wala siyang naranasang kagaya ngayon na palagi na lang masama ang pakiramdam niya sa tuwing gigising siya ng umaga, may hinahanap na pagkain, masiyadong emotional at palaging inaantok.
Ngayon na nga lang umaga na kagigising pa lang ni Giana ay tumakbo na siya sa banyo para lang magsuka at pakiramdam niya ay hinahalukay ang sikmura niya sa sobrang sama ng pakiramdam niya. Isang linggo na siyang nakauwi sa bahay nila ni Louie at dahil na rin sa laging ganoong pakiramdam niya ay hindi pa siya nakakauwi ng Bulacan pero naipaalam na nila sa mga magulang at mga kapatid na nagkabalikan na
