MATAPOS mag-usap nina Louie at Giana ay hindi na pinansin pa si Louie ng asawa. Kung hindi nakikipag-usap si Giana sa ina at kapatid ay nagpapahinga naman ito hanggang sa sumapit na ang kinabukasan at p’wede nang umuwi si Giana at sa bahay na lang nila tuluyang magpagaling at magpahinga.
“Mama, didiretso na po ba tayo sa bahay?” tanong ni Giana sa ina dahilan para magulat siyang mapatingin sa asawa at lumapit sa mga ito.
“Kailangan mo pang tuluyang magpagaling, Gia, at mabuting sa bahay ka na muna para makapagpapagaling at pahinga nang lubusan,” sabat ni Louie.
Sumimangot na tumingin sa kaniya si Giana at halata na hindi nagustuhan ang sinabi niya. Nilapitan na lang ni Louie ang asawa saka hinawakan ang isang kamay na gusto pa sanang hilahin nito pero hindi siya pumayag.
“Papayagan
