SIMULA kagabi nang umalis si Louie ay hindi na lumabas ng kwarto si Giana dahil hindi rin niya kayang pigilang maging emosyonal sa nangyari sa kanila ni Louie at ganoon din sa kaalamang naging masama ang asawa sa kapatid niya. Kahit anong pigil ni Giana na huwag umiyak ay parang walang kapaguran ang mga mata niya sa pagluha. Nasa kwarto lang siya hanggang sa kinatok ng Papa niya ang pinto ng kwarto at tinawag ang pangalan niya kaya napilitan siyang buksan ito saka hinarap ang ama kahit pa namumugto ang mga mata niya.
“Mag-usap tayo, anak,” sabi ni Papa sa kaniya.
“Kung ipagtatanggol niyo lang po si Louie at sasabihan niyo akong umuwi sa bahay namin ay hindi ko gagawin iyon, Papa. Kahit magalit kayo sa akin at itakwil niyo ako bilang anak ay hindi niyo na ako mapapabalik pa kay Louie.
“
