Chapter 66 : Kambal
Lori’s POV
Masarap maligo sa ilog kapag may baong masasarap na pagkain. Nang magpaalam kami ni Bampi sa mga magulang ko ay napagpasiyahan nilang sumama na rin. Tamang-tama at pahahanginan din namin doon si Louis. May tent naman kami dahil madalas din mag-picnic sina nanay at tatay sa ilog kapag gusto nilang magpalipas ng oras dala na rin nang pagka-boring nila sa bahay kapag wala ako.
“Nandito na kami,” sigaw ni Bampi nang pumasok ito sa pinto. Kasama niya si tatay na namili ng mga pagkain sa palengke. Napakunot ang noo ko nang makita kong tila basahan ang suot ni Bampi.
“Anong nangyari at ganiyan ang suot mo?” tanong ko nang ilapag na niya sa lamesa ang mga pinamili nila ni tatay.
“Nang ibaba ko kasi sa kotse ang bag ko ay hindi ko namalayan na drum pala iyong nap
