Tuluyan na ngang nawala ang hamog na siyang nagpapahirap sa amin upang makakita. Nang maaliwalas na ang kapaligiran ay agad akong pinaligiran ng mga tauhan at pati na rin si Nero at Ace na dali-dali nagpunta sa tabi ko. Hinanap kaagad ng mga mata ko si Silver nang napansin ko na siya lang pala ang wala ngayon. Hindi ko makita ang lalaki at bumulaga na lamang sa harap namin ang napakaraming kalaban. Tama nga talaga ako. Isang katutubong tribu na tinatawag na Tribu Korowa nga ang siyang may pakana ng hamog kanina. Pero halos malaglag na ang panga ko nang makita ko ang mga kalalakihan na siyang pumapaligid sa amin ngayon.
Inaasahan ko na ang Tribu ng Korowa ay 'yong may tipikal na anyo ng isang katutubo. Marami kasi akong nakikita na naka-bahag lamang tapos walang mga suot na damit at tangin
