Chapter 37
KEIRAN…
KUNG KAILAN NAMAN ako nagmamadali saka pa naging toxic sa Emergency room. Iyong sampong minuto na lang out na ako saka naman biglang dumagsa ang mga pasyente. Tuloy iyong four na uwi ko naging six, thankful pa ako na walang for major operation sa mga pasyente. Kung nagkataon baka hindi pa ako nakauwi nang lagay na ito.
Tapos ngayon traffic dahil sahod na nga tapos Friday pa. Dagsa ang mga tao sa labas para maglustay ng mga pera nila. Kaya tuloy ipit ako sa traffic nang dahil sa mga ito. Ano ba naman ‘tong araw na ito, ang malas ko.
Ito pa naman ang unang beses na nag-aya ng dinner date si Agatha. Tapos ganito pa ang nangyari sa buhay ko ngayon. Ni hindi man lang ako nakapagpalit man lang ng damit. Buti na lang kahit ganitong galing ako sa trabaho hindi naman amoy ar
