Chapter 51
Naninikip ang dibdib ko habang palayo sa lalaking mahal ko.
Pinalis ko ang luha sa aking pisngi saka piniling dumiretso sa puntod ng aking mga magulang.
"Mama, papa, balik na po kayo," hikbi ko at marahang hinawakan ang lapida kung saan nakaukit ang kanilang mga pangalan.
Umupo ako sa damuhan saka niyakap ang mga tuhod. Napansin ko ang lalaking nakasumbrero na nakatayo sa tabi ng puno at nang muli ko itong balingan ay sumbrero na lang nito ang nakita ko at naglaho na sa aking paningin.
Kung kaaway man iyon ni Noven at balak akong patayin, magpapaubaya na lamang siguro ako.
Binalik ko ang paningin sa puntod at nakita ang isang halaman na sumisibol pa lamang mula sa buto ng tuyong halaman sa tabi. Sana, kayaga ng halamang iyon ay sisibol din ang pag-asa kahit na malabo na an
