"Walang ka-date???" tila bumalik ako sa aking sarili mula sa pagkakatulala sa kanya, nang ulitin niya iyon.
Umayos ako ng upo at kinuha ang basong nasa harap ko na may lamang tubig, atsaka ito ininom. Nakatitig pa rin siya sa'kin at ako nama'y hindi ko magawang lumingon sa kanya, sapagka't naiilang ako. Ewan, basta kapag tinitingnan niya 'ko ng gano'n ay hindi ko maiwasang hindi mapakali.
"Uy, okay ka lang? Bakit parang ilang na ilang ka sa'kin?" nakangiting tanong niya sabay hawak sa balikat ko.
Napatigil ako sa pag-inom at ibinaba ang hawak kong baso. Lumingon ako sa kanya at nagbigay ng isang hindi siguradong ngiti.
"Ako? Hindi, ah. Ano nga ulit yung sinasabi mo kanina?" tugon ko at tiningnan yung kamay niya sa balikat ko, inalis niya rin naman ito agad.
"Ang sabi ko, mukhang mag-i
