CHAPTER 32
FREDA’S POV
Maaga akong nagising dahil sa ingay sa paligid ko na hindi na ako sanay dahil sa ilang linggo kong pananatili dito sa tagaytay ay tahimik lagi ang buong paligid ko. Tinali ko lang ang buhok ko habang naglalakad palabas ng kwarto at halos malaglag ang panga ko nang makita ko ang rason kung bakit ang ingay sa bahay ko.
Abala si Greg sa lamesang nasa harap ng bahay at inaayos ang mga pagkain. Masaya siyang nakikipag-usap kay Aling Yolly at sa mga ibang kapitbahay namin habang tumutulong sa kanila. Hindi ko alam kung anong pinag-uusapan nila pero ang marinig ang malakas na tawanan mula sa kanila ay habang bidang-bida si Greg sa pagkukwento ay hindi ko maiwasang mapahinto at makinig.
"Ang bait pala niyang boyfriend mo eh. Biro mo nakasundo ang mga tao dito sa baryo.
