CHAPTER 18
FREDA’S POV
ISANG LINGGO lang ang bakasyon na ito pero hindi ko alam kung bakit pakiramdam ko ay isang buwan na ako dito sa islang ito. Sa dami ng nangyayari ay gusto ko na lang lumangoy pabalik ng manila dahil bawat araw nagstay ako dito ay mas lalong sumasama ang pakiramdam ko. Gaya ngayon kahit pinapanood ko lang silang magswimming ay iritang-irita na ako dahil ang walangya kong bodyguard imbes na bantayan ako ay nandoon sa mga pinsan ni Tomas at nakikipagharutan ang walanghiya.
Ang sabi ko sa mga kaibigan ko ay walang namamagitan sa amin ni Greg bukod sa kama, pero hindi ko alam sa tuwing kasama ko si Tomas ay laging napupunta ang isip ko sa kanya. Pakiramdam ko ay niloloko ko siya at sa hindi ko malamang dahilan ay nakokonsensya ako sa ginagawa ko.
“Why so grumpy?”
