CHAPTER 24
FREDA’S POV
“Ano ba kasing problema mo? Pinaliwanag ko naman na may—”
“Sinabi ko na sayo hindi ko kailangan ng paliwanag mo dahil hindi ko naman hiningi ‘yon. Just leave and do your job,” taboy ko ulit kay Greg.
Ang aga niyang pumunta dito sa opisina ko para lang ipaglaban sa akin na hindi niya ginustong biglang mawala. May inutos lang daw sa kanya si Kuya kaya siya wala ng ilang araw, saka wala daw siyang ibang babantayan kung hindi ako.
Sige ipilit mo ang gusto mo, Gregorio. Bahala ka sa buhay mo!
Simula kahapon na sumulpot siya ay hindi niya na ako tinigilan sa pangungulit dahil hindi niya daw maintindihan ang sinasabi kong iba na ang trabaho ko. Meron na akong taltong bodyguard kaya anong silbi niya pa? Wala akong pakialam sa kung ano ang napag-usapan nila ni Kuya.
