SA MGA sumunod na araw ay labis pa rin ang pagtataka ni Geofferson dahil hindi na nasundan pa ang pagpapadala ng litrato ng unknown account sa kaniya tungkol kay Madison. Kalagitnaan na ng buwan ng Pebrero at buwan na rin ng pag-ibig. Kadalasan kapag ganitong buwan noon ay hindi siya naze-zero sa babae para maka-date sa araw ng Valentines day. Samantalang ngayon, walang ibang hinahangad ang puso niya kundi si Madison lamang.
Araw ng Linggo, kung kaya't wala siyang pasok, saktong araw din bago ang araw ng Valentines. At tulad nga nang napag-usapan ng tropa ay siya ang luluwas ng Manila patungong Tarlac upang iparating kay Madison ang magandang balita at para na rin makita ito. Pero naisip niya rin agad, imposible namang hindi unreachable ang ibinigay nitong contact number sa dating kompan
