"SA MAHIGIT dalawang taon ko nang nagwo-work sa finance industry, parang never ko pa naman na-encounter iyang si Allan, based on your description, hah," wika ni Madison nang sandaling maitanong sa kaniya ni Geofferson ang tungkol kay Allan Corpuz. "Pero bakit mo pala naitanong?"
"Ah.. nakita ko kasi siya kanina, e. I wasn't sure but-- I think he's lying."
Bahagyang nagsalubong ang kilay niya. "Paano mo naman nasabi?"
"Hindi ako naniniwalang dito siya nagwo-work. I hate to say this but I guess, sa pananamit niya pa lang, halatang trabahong ordinaryo lang ang kaya niya. You know, saan ka naman makakatagpo ng nagwo-work sa office na simpleng t-shirt at denim pants lang ang suot?"
"O, e, baka naman kasi iyon lang ang pormahan niya? Ikaw, masyado kang ma-judge," napapangiwing sabi niya s
