“Patikim nga ‘yang sa ‘yo,” sabi ni Claude kay Darcelle. Hinawakan ng binata ang kamay ng dalaga na may hawak na ice cream. Strawberry na may mangga at ube ang nasa cone na hawak nito, samantalang chocolate, vanilla at avocado ang sa kanya.
Napatitig sa kanya ang dalaga habang dinidilaan niya ang ice cream na hawak nito. Ngumisi siya pagkatapos.
“Hmm. Sarap.”
“Ang daya mo! Bakit hindi na lang ito na rin ‘yong binili mo?” ngumiwing anito sa kanya na sinimangutan siya lalo na’t dinilaan niya ulit ang hawak nitong ice cream habang nakatitig sa mukha ng babae. Bahagya itong napakurap sa ginawa niya.
“Mas masarap pala kapag hawak mo, eh.” Kinindatan pa niya ang dalaga.
Napatawa ito nang mahina. Ilang saglit pa ay binitiwan na niya ito.
“O, heto. Tikman mo sa ‘kin. Masarap din ‘to,” aniya
