"Joesh..." Inakay ni Mommy si Joesh na gising na gising na, pag naririnig ang maingay niyang boses dito sa bahay.
"I miss you!" Hinalik halikan niya ang pisngi nito.
"Don't kiss her too much. Baka magkarashes," sabi ng ina ni Anzai.
Kapwa kami napatingin sa kanya. Pagdating sa kanyang apo, masyado siyang maarte at hindi gaanong pinapahalik ang mukha ng aking anak. Kahit ang doctor, iyon din naman ang advice dahil sensitive ang balat ng mga bata.
"Huwag kang mag-alala. Nagmumog at naghilamos ako ng alcohol kanina," sarkastikong sabi ni Mommy at hinalikan muli si Joesh.
I pursed my lips. Tumalim naman ang mga mata ng ina ni Anzai kay Mommy habang naiiling.
Para ring aso't pusa ang dalawa. Palagi silang nagpapaligsahan kay Joesh. Si Mommy ay palaban din namang nakikipagkompetensya sa
