Sunset
Kinaumagahan, nagkakape na silang lahat sa ibaba noong magising ako. Mukhang good mood ang lahat at naroon din si Potpot, may gatas ring iniinom.
"Maagang gumising si Landon at nagpakape... Naroon nga iyon ngayon sa loob ng kusina, nagluluto," si B1 ang nagpaliwanag.
Huh? Himala at mabait ata siya sa lahat? Kahit si Tobias ay tahimik din sa kanyang kape, pasulyap sulyap lamang sa akin.
"Good morning, Ate Ganda!" si Potpot.
Ngumiti ako sa kanya. "Good morning Potpot... Ubusin mo ang gatas mo ha," sabi ko.
Tumango siya sa akin at ngumiti sabay kagat noong hawak niyang pandesal. Nagtungo naman ako sa kusina para silipin si Haze.
Pagkapasok ko roon, ang sumisipol na topless na si Anzai ang nadatnan ko. Magulo ang buhok at tanging pants ang kanyang suot. Mukhang kakatapos lang rin
