Chapter 142
Cataleen’s Pov
NAPASAPO ako sa noo ko habang nakikinig sa mag-ama ko na nagbabangayan dahil sa gusto nila akong makatabi matulog. Ayaw kasi patalo ni Remus sa anak niya. Ako yung naiipit sa kanilang dalawa. Madali lang naman sana ang solusyon eh. Magtabi kaming tatlo sa iisang kama. Pero ayaw pumayag ni Remus dahil mas gusto niyang masolo ako kaya napakamot nalang ako sa likod ng ulo ko.
Hindi pa rin ako nakaka-alala pero alam ko naman sa sarili ko na tama ang tinatahak kong buhay. Masaya ako na kasama silang dalawa kahit lagi nalang nag-aaway. Ito kasi si Remus, parang bata. Pati anak niya ay kaaway niya. Pinapatulan talaga niya.
Ang pinag-aawayan nila palagi ay kung saan ako matutulog. Pambihira talaga! Ako yung na s-stress. Para bang nagkaroon ako ng dalawang anak dahi
