Garlic's POV
Sa buong buhay ko, ngayon lang ako nakaranas nang ganito. Parang hinihiwa ang puso ko ng sampung kutsilyo. Awang-awa ako sa aking sarili subalit mas naaawa ako sa kalagayan ni Atoy. Ngayong nakilala na niya ang kaniyang tunay na ama, alam kong napakasaya niya, ngunit masaya nga ba talaga siya, gayong napakakomplikado pala ng lahat?
Habang sinasabihan niya akong sumama sa kaniya, nahahati ang aking damdamin. Gusto ko ring sumama sa kaniya dahil alam kong kampante ang buhay ko kapag nandiyan siya. Pero paano na ang pinagbubuntis ko? Paano na ang magiging anak namin ni Sir Peanut? Sa ginawa ni Sir Peanut, hindi ko alam kung humanga pa ang puso ko sa kaniya. Lalo akong nasaktan sa inasal nina Maam Kittie at Maam Vanilla, nanliliit ako sa aking sarili.
Habang kinakausap ni Sir D
