Garlic's POV
Masakit pa rin palang malamang si Maam Vanilla pa rin ang mahal ni Sir Peanut. Hindi ko na tuloy alam kung may pag-asa nga ba ang puso ko para sa kaniya. Kahit anong subok kong ilayo at iwaglit ang aking nararamdaman, hindi ko talaga kaya. Siya ang una kong minahal at magpahanggang ngayon.
Siguro nang dahil na lamang kay Baby Chilric kung bakit may ugnayan kaming dalawa.
Araw ng Sabado, excited akong muli dahil susunduin naman kaming muli ni Sir Peanut.
"Garlic, hindi na muna ako uuwi ng mansion. Magpapaiwan na lang ako rito sa condo dahil marami akong tatapusing labahan. Bukas babalik ka rin lang naman dito kaya mas mainam na magpaiwan na lang ako," sabi sa akin ni Ate Sparkle.
"Sigurado ka po ba, Ate?"
"Oo naman. Magpaplantsa rin ako ng mga damit natin para bukas ma
