'Congratulations, Garlic!'
Tumambad sa aking harapan ang mahabang mensahe na nakadikit sa wall ng isang sulok ng restaurant kaya napatakip ako sa aking bibig.
"Oh my ghad, kapangalan ko 'to ah!" bulalas ko pa.
"Oo nga, may nag-graduate din siguro na kapangalan mo, Garlic na nandito kaya nilagyan nila ng tarpaulin," wika din ni Ate Sparkle.
"Hindi ka pala nag-iisa, Garlic, o saan ba tayo uupo? Tila okupado na yata ang mga mesa, ah," sabad naman ni Ate RC.
"Doon tayo sa mahabang mesa," sabi naman ni Nay Sofie ngunit pinigilan ko siya nang magsimula na siyang humakbang papunta sa mesang itinuro niya.
"Huwag po, Nay. Okupado na rin po ang mesang iyon," sabi ko.
"Oo nga, Nay Sofie. Wala na yatang bakante dahil sa isang sulok may mga nakaupo na rin. Pero iyong itinuro ni Nay Sofie, wala p
