Binuksan ni Atlas ang bintana at sinilip ang kung anumang nakita ni Luis. "Camazotz! Hindi lang isa, tatlo sila!"
"A-ano?!" Binuksan din ni Blue ang bintana sa tabi niya at sinungaw ang ulo. Tatlong Camazotz ang mabilis na lumilipad at humahabol sa kanila. "Bilisan mo pa, Luis! Delikado tayo!"
Pinaharurot ni Luis ang sasakyan pero mabilis pa ring humahabol sa kanila ang tatlong Camazotz.
Sinilip din ni Steph ang mga humahabol sa kanila. "Ano yang mga creature na 'yan?"
"I-it is a half-bat, half human considered as a death bat, associated with death and sacrifices," paliwanag ng natatarantang si Jared. Ngayon lang siya nakakita ng Camazotz sa buong buhay niya, at wala siyang planong mamatay sa mga kuko ng mga pangit na iyon.
Sumungaw ulit si Atlas, saka tinira ng kidlat ang isa sa mga
