"Hindi ba siya iyong nagligtas sa atin doon sa halimaw?"
"Oo, siya nga. Ang ganda niya, ano?"
"Nakakainggit. Ang sexy pa."
"Maligawan nga 'yan."
"Tingin mo naman papasa ka? Ayan binabakuran na ng ibang boys, oh."
Ito ang bulung-bulungan habang naglalakad sina Steph patungo sa training field. Hini na raw sila sa Room C magklaklase. Kasama niyang patungo roon sina Leah, Leigh, Lav, Jared, Luis, Atlas at Blue.
Kinalabit ni Leigh si Steph. "Sis, sikat ka na talaga rito. Grabe ka, ang bilis mong gumawa ng pangalan."
"Gano'n talaga 'pag magaganda, Sis," sagot naman ni Leah. Hinawi pa nito ang buhok.
"Nakakahiya nga, eh. Kung ano-ano ang pinagsasabi nila." Anong binabakuran? Nilingon ni Steph ang mga kasamang lalake sa likuran nila. Puro mga walang kibo naman, mga nakasunod lang sa kanil
