KANINA pa nakatitig si Xyrus sa entrance ng The King’s Hypermart. Inaabangan niya ang paglabas ng taong sinusundan niya. Madali lang naman para sa kanya na pumasok sa loob at magkunwaring bibili rin. Ngunit ayaw niyang makakuha ng atensyon mula sa ibang tao kaya hihintayin na lang niya ang paglabas ng taong kailangan niya. Isa pa’y nakakahiya naman kay Jed kung sakaling magkagulo sa supermarket nito.
Kalahating oras na siyang nag-aabang. Ilang oras pa kaya ang ilalagi niya sa loob ng kanyang sasakyan bago lumabas ang hinihintay niya.
Napabuga siya ng hangin. Kung hindi niya siguro binura sa phonebook niya ang numero nito, madali lang sana niya itong makakausap. Pati sa social media account niya, naka-block ang account nito kaya hindi na niya ito nakakausap. Sa maikling salita, wala na s
