NAPATAKIP ng kanyang bibig si Ira. Titig na titig siya sa mga damit habang umiiling-iling.
“What’s wrong? Ayaw mo sa mga damit na iyan?” Magkasalubong naman ang mga kilay ni Xyrus nang mapatingin sa kanya.
Hindi agad nakasagot si Ira. Nagpalipat-lipat ang tingin niya kay Xyrus at sa mga damit sa closet.
“Hey! Bakit ganyan ka makatingin?”
Hindi pa rin umimik si Ira. Patuloy lang siyang umiiling.
“What the hell! Iniisip mo bang g-ginagamit k-ko ang mga i-iyan?” Pinanlakihan siya ng mga mata ni Xyrus.
“Bakit? Hindi nga ba?” lakas-loob na tanong ni Ira.
“Hell and damnation!” Marahas na napakamot ng kanyang ulo si Xyrus.
“Why should I wear those? Pambabae ang lahat ng mga iyan!” Halos lumuwa ang mga mata ni Xyrus na nakatitig sa kanya.
“Alam ko naman iyon. Malay ko kung nagko-cross
