Nakikinig lang kami kasama sina Manang sa isang tabi habang nagkakaroon ng debatihan ang magkabilang panig. Nanlalamig ako sa kaba... hinihintay kong pumanig ang korte kay Ulysses. Naiintindihan ko naman kung ano ang pinaglalaban niya ngunit pakiramdam ko ay hindi lang titigil doon ang labanan ng dalawa. May isang hindi susuko para makuha si Sapphire.
Napahawak si Manang sa sariling dibdib ng natapos ang unang parte ng kaso... kinabahan naman ako kaya hinaplos ko iyong likod niya para kumalma. Sana nga lang matapos na 'to, na si Ulysses ang mananalo sa huli. Pakiramdam ko kasi hindi naman maaalagaan ni Rhea iyong bata. Nagawa nga nitong ewan noon, ngayon pa ba? Kung hindi ba naman naghahabol kasi dumating ako, baka nga hindi kami umabot sa ganito.
"Sa Byernes ang susunod..." imporma niya
