Halos mapatalon sa kama si Romeliza nang marinig niya ang mahinang katok na 'yon sa pinto ng balkonahe niya. Mabilis siyang bumaba ng kama at lumapit sa balkonahe niya, binuksan niya ang pinto.
"Ellifard!" Natutuwang yumakap siya nang mabungaran niya ito. Sumiksik naman ito sa pagitan ng balikat niya. Paatras siya ng paatras habang yakap pa rin siya nito.
"How's your day? Wala bang sinabi ang papa mo sa'yo?" Bulong nito sa pagitan ng balikat niya. Tinulak niya ito at tinignan ang mukha nito.
"Bakit? Nag-usap kayo ni abeoji?"
Ngumiti ito at saka tumango. Umupo ito sa gilid ng kama at hinila siya paupo sa hita nito, napayakap naman siya sa leeg nito.
"Yeah.... at may naging usapan kaming dalawa." Nakangiting sabi nito. Parang natanggal ang tinik sa dibdib niya dahil sa sinabi nito.
"T
