KAHIT na hindi masyadong maganda ang pakiramdam ni Yna dahil sinumpong siya ng morning sickness ay pumasok pa rin siya ng trabaho.
Wala pa si Alas kaya diretso siya sa kaniyang pwesto. Parang gusto niyang maiyak pero hindi puwede. Makakadagdagag ng stress iyon sa kaniya.
Iniisip pa rin niya ang magiging resulta ng mga ginawa niya. Lalo na ngayong buntis siya. At paano kung gusto lang siyang tulungan ni Alas dahil iyon ang nakakabuti sa lahat? Hindi niya alam ang mga gusto niyang isipin sa ngayon pero hindi niya rin puwedeng ipalaglag ang bata. Wala itong kasalanan sa kaniya kaya marapat na mabuhay ito lumaki kagaya ng ibang bata.
Mula pa kagabi niya ito iniisip pero wala. She ended up blaming herself. She cried a lot and started to hate herself.
Bumukas ang pinto at sumungaw si Lydia.
