Nakahinga ng maluwag si Florenda dahil nasolve na ang kanyang problema sa casino na hindi nalaman ng kanyang pamilya dahil sa nahiram n'yang pera mula kina Emerald. Subalit may napapansin naman si Florenda ngayon sa kanyang asawa. Tila ba lagi itong busy sa cellphone nito. Naisip niyang baka may mga importante lang itong transaction sa cellphone nito subalit nagtaka na s'ya nitong mga huling araw nang mapansin ang asawa na masaya itong nagpipindot sa cellphone nito. Biglang kinabahan si Florenda, baka kung ano na ang pinagkakaabalahan nito sa cellphone nito. Pero imposibleng mambabae ang asawa nito. Simula noon ay hindi naman s'ya niloko ng asawa. At isa pang napansin n'ya, parang di na rin siya halos mapansin ng asawa. Kahit matulog na sila sa gabi ay tinalikuran lang s'ya nito at kung ma
