Maganda na ang panahon kinabukasan. Mataas na ang sikat ng araw sa labas at maaliwalas ang kalangitan na naghahalo ang asul at puti na kulay.
Dahan-dahang iminulat ni Yvonne ang kanyang mga mata. Sumalubong sa kanyang paningin ang puting kisame ng kanyang kwarto.
Ramdam ni Yvonne na kulang pa siya sa tulog at gustuhin man niyang matulog ulit ngunit hindi na siya dalawin ng antok. Malalim ang kanyang mga mata at may itim sa ibaba nito.
Hindi kaagad nakatulog si Yvonne kagabi dahil sa pag-iisip. Hanggang ngayon ay tumatakbo pa rin sa kanyang isipan ang mga nangyari kagabi sa pagitan nila ni Kelvin.
Si Kelvin.
‘Nasa labas pa kaya siya?’ sa isip-isip na tanong ni Yvonne nang maalala ang binata.
Mahinang bumuga nang hininga si Yvonne saka dahan-dahan siyang bumangon mula sa pagkakahiga. H
