Ngiting-ngiti si Alexa sa harapan ng salamin. Gandang-ganda siya sa kanyang sarili matapos niyang mag-ayos at magbihis. Pupunta siya ng mall para mamasyal at kakain na rin sa mamahaling restaurant dahil masaya ang pakiramdam niya.
Matapos tingnan ni Alexa ang sarili niya sa salamin ay umalis na rin siya sa harapan nito saka siya naglakad papunta sa pintuan ng bahay niya. Pa-hum-hum pa siya habang naglalakad.
Binuksan ni Alexa ang pintuan ng bahay niya. Kaagad na nakita ng mga mata niya si Kelvin na nakatayo sa hindi kalayuan. Ngumiti siya ng matamis kahit na hindi naman maipinta ang mukha ni Kelvin na masamang nakatingin sa kanya. Napansin rin niya na kuyom na kuyom ang mga kamao nito.
“Hi, Kelvin!” natutuwang pagbati ni Alexa. Tuluyan siyang lumabas saka isinara ang pintuan. Tiningnan
