Pagkatapos kumain ni Georgia ay naglinis siya sa kusina. Naririnig niya ang splash ng tubig sa pool pero ayaw niyang sumulyap doon dahil tiyak na naka-boxers na naman si Hector na naglalangoy katulad noong nasa isla sila. Hindi siya dapat matukso dahil may asawa na siya ngayon.
Asawa na ginamit lang siya para sa paghihiganti ni Justine sa ama.
Kung tutuusin ay puwede niyang gamitin si Hector para kalabanin din Justine ngayon. Namumuhi siya sa pinagkatiwalaang manager na umpisa pa lang pala ay planado nitong lahat. Ngayon ay ibinilad pa siya sa kahihiyan gayung dapat ay tahimik na lang siyang namumuhay gamit ang perang kinita niya noon sa pagbebenta sa sarili. Hahanap siya ng paraan para mapawalang-bisa ang kasal nila ni Justine at magpapakalayo-layo na lang siya.
Hindi niya kailangang
