GANOON na lang ang saya sa puso ni Camilla nang mamataan niya ang Nanay at Tatay na naghihintay sa kanya sa arriving area ng Airport kung saan lumapag ang eroplanong sinakyan niya ng dumating siya sa Pilipinas.
Binilisan naman niya ang paglalakad habang tulak-tulak niya ang kanyang luggage palapit sa mga ito.
"Nay, Tay!" masayang sambit niya nang makalapit siya sa mga ito. Binitiwan din niya ang luggage na hawak para yakapin niya ang mga magulang.
Niyakap nga din siya ng mga ito ng mahigpit. "Miss na miss ka na namin, anak," wika naman ng Tatay niya habang yakap siya. Kinagat naman niya ang ibabang labi para pigilan ang luhang gustong pumatak sa mga mata niya, pero kahit na anong gawin niya ay hindi pa din niya mapigilan ang pagtulo ng luha sa kanyang mga mata. Hinayaan lang naman iy
