BUSY KAMI sa paggi-grill ng karne ni Marky habang nagtatampisaw naman sa pool sa Lana ay Colton. Tinitigan ko ang mag-amang masayang masaya na naghahabulan, napangiti ako.
"Naku, may pa ngiti-ngiti na ang isa diyan. Akala mo naman hindi isinumpa noon ang lalaki sa galit niya." Kausap ni Marky ang sarili niya pero alam kong ako ang pinaparinggan niya.
Tinapunan ko siya ng masamang tingin. At ngumisi lang siya, hindi man lang natinag sa talim ng titig ko sa kanya.
"Mabilis akong magpatawad." Sabi ko at inikotan ko siya ng mata. Tumawa naman siya.
"Talaga? Sige nga, kaya mong patawarin Mommy mo?" Aniya at napabaling ako ulit sa kanya.
Alam kong mali ang magtanim ng galit sa kapwa. Pero sa ngayon, hindi ko pa kayang patawarin si Mommy sa ginawa niya sa akin. Pero sana dumating ang panah
