Umingos ang babae kay Cairo. “Hindi totoo yan. Sinabi na sa akin ni Ryeuki. Hindi sakop ng kakayahan ko ang enerhiya mo. Mauutusan lang kita ng ayon sa kakayahan mo, pero hindi ko magagawang palakasin ka. Kaya mag-iingat ka lagi para hindi ako nag-aalala sayo ng sobra.”
“Nag-alala ka sa akin?” Wala sa loob na tanong niya.
At dapat pa ba niya iyong itanong? Sa nakita niyang itsura nito kaninang natatabunan sila ng mga kahoy at alam nitong nahihirapan na siya ay hindi ito magkaintindihan sa labis na pag-aalala sa kanya. Iyon nga yata ang dahilan kung bakit siya nito niyayakap sa tuwing dumadaing siya.
“Eh… kahit naman sino, mag-aalala sayo dahil sa nangyari, di ba? Kahit sina Ryeuki at Yamilla at 'yong mga taong dumumog sa atin, nag-alala sila sayo.”
Bumukas ang silid at iniluwa si Y
