Hindi mapakali si Layla habang kumakain sila ng almusal ni Duncan. Hindi niya alam kung bakit gusto siyang kausapin ni Danica Albano at natatakot siya na baka may kinalaman ito sa mga bakas sa leeg niya, o sa nakitang magkahawak na kamay nila ng anak nito. Lagi namang ganoon kapag naglalakad sila, 'yun nga lang... imbes na siya ang umaakay kay Duncan kanina ay siya ang inaakay ng binata.
"Kumain ka ng maayos hindi 'yang nilalaro mo lang ang kutsara't tinidor," sita ni Duncan sa kanya.
"Puntahan ko na kaya ang Mommy mo? Magpapaliwanag ako..."
Pinunasan ni Duncan ng puting tela ang bibig saka uminom ng tubig. Siya'y hindi pa nangangalahati sa inilagay nitong pagkain sa pinggan n'ya.
"Ano sasabihin mo?" nakangiti pang tanong ng binata. "Ano ang ipapaliwanag mo?"
Ano nga ba ang
