"Flowers for the lovely lady." Iniabot ni Troy sa kanya ang isang pumpon ng puting rosas na gusto n'yang tanggihan. Matagal niya nang sinabi na wala siyang balak makipagrelasyon o kahit tumanggap man lang ng manliligaw.
"Troy..."
"I know." Itinaas nito ang dalawang kamay bilang pagsuko. "Naawa lang ako sa batang naglalako sa labas kaya binili ko na. Nasa'n ang Mama?"
"Mamimili daw muna ng mga pasalubong sa mga apo n'ya. Kailan ba ang flight mo? Akala ko'y mauuna ka sa amin?"
"Sasabay na ako sa inyo. Malapit lang naman ang Japan sa Pilipinas. Tapos ang ipinagawa naming clinic ni Mama, nakapag-hire na rin kami ng mga staff. We're ready to operate by next week."
"That's good. Ang sabi ko sa Mama mo ay uuwi lang ako ng ilang araw sa Batangas pagkatapos ay sabak na ulit sa trab
