Chapter 27
Habang mabilis na naglalakad ay may naramdaman akong nakasunod sa akin kaya mas binilisan ko pa ang paglalakad.
“Vivien!” Tawag sa’kin ni Romeo.
“Wait!”
Huminto ako at nilingon siya. Si Romeo lang pala. “Huwag kang tumakbo. Kakakain mo lang,” suway ko sa kaniya nang makita siyang tumatakbo. Kaya naman naglakad na lang siya pero malalaki naman ang hakbang. Mahahaba rin naman kasi ang mga binti niya kaya baka ganito lang talaga siya maglakad.
“Bakit ka umalis?” Tanong niya nang makalapit na sa’kin.
“A… e…”
“I… o… u?” Dugtong niya sa sinabi ko kaya natawa ako. Tumawa naman siya sa sarili niyang joke.
“Magbibihis sana ako at magbabanyo. Marami kasi akong nakain,” palusot ko para hindi kami matagal mag-usap. Nakita ko pa namang paparating si Raevan.
“Hintayin na lang kita s
