“What happened to you?” Agad na bungad ni Sir Tyron sa akin nang makita ako. Napatayo pa siya sa kinauupuan at nabitawan ang hawak na bouquet ng iba’t ibang klase ng bulaklak.
Nilapitan niya ako at parang hindi nakita ang lalaking may buhat sa akin. Sinuri niya ang paa ko at mariin na nagmura pagkatapos ay nilingon niya si Raevan. Buhat pa rin ako ni Raevan habang nakahinto sa harapan ni Sir Tyron.
“What?” Maangas at mayabang na tanong ni Raevan sa kaniya. Sa titig kasi ni Sir Tyron ay para bang naghahanap ito ng masisisi.
“S-Sir Tyron, natapilok lang po,” kabado kong sagot sa kaniya. Hindi na naman maganda ang titigan nilang dalawa. Nasa ibang bahay si Sir Tyron pero hindi man lang nasisindak kay Raevan.
Binaba ako ni Raevan sa single sofa. Hindi ko alam kung sinadya ba niya ‘yon dahi
