HINDI naman nakaligtas sa pandinig ni Mona na si Dolly ang bagong talent sa Queen’s bar. May mga kaibigan pa rin siya na araw-araw na pumapasok sa bar at ang tsismis sa loob ay mabilis na kumakalat hindi pa man lumilipas ang kinabukasan. Ano ang nangyari at bakit mabilis yatang nakapasok sa eksena si Dolly? Hindi ba’t ilang araw pa lang siyang wala?
She’s furious lalo na at pinupuri ng kaibigan na si Britney ang ginawa nito nang nagdaang gabi. Para lang itong nagkukuwento nang normal habang kausap niya ito sa cellphone. Tinawagan niya ito para sana makibalita siya sa bar.
Nais niyang malaman kung ano ang estado ng Queen’s bar matapos siyang bigyan ng suspension ni Xander. Mataas pa rin kasi ang tingin niya sa sarili na kung wala siya ay hindi ito kikita. Ngunit ang mga inaasahan niyang
