“O, Kath! Anong nangyari sa iyo? Bakit ka umiiyak?” nag-aalalang tanong ni Grace sa matalik na kaibigan, nang pagbuksan niya ito ng pintuan ng kaniyang apartment. Kararating lang din niya galing sa trabaho nang araw na iyon at naghahanda na sa paliligo nang dumating ang kaibigan.
“Best, ayaw na sa akin ni Rex!” atungal nito sa kaniya sabay yakap sa kaniya ni Kath. Nagugulat man ay niyakap na rin niya ang kaibigan at hinagod-hagod pa ang likuran nito.
“Shhh, tahan na. Teka pumasok na muna tayo para makapag-usap tayo ng maayos,” aniya sa kaibigan saka siya bumitiw rito, at isinara ang pinto bago iginiya sa upuan ang luhaang si Kath. Kumuha muna siya ng tubig sa kusina, bago naupo sa tabi ng kaibigan at iniabot ang tubig dito.
“Now tell me, ano bang nangyari?” usisa niya sa kaibigan matapo
