“O, paano ba iyan sis, mauuna na kami. Thank you sa time mo, saka ‘wag ka nang mag-iisip ng kung anu-anong hindi maganda sa jowable mo ha? Hmmmuaaahhh!” paalam na ni Dianne sa kaniya nang maihatid siya ng mga ito sa bahay nila ni Rex. Hinalikan pa siya nito sa kaniyang pisngi bilang pamamaalam sa kaniya.
“Oo na po! Mag-iingat kayo ni Marc sa pag-uwi. Marc, ingat sa pagmamaneho ha? See you again soon,” paalam niya sa mga kaibigan.
“Oo naman! Ayaw ko pang mabiyudo. Hindi pa nga kami ikinakasal mabubiyudo na agad ako? Huwag gano’n!” sabi naman ng binata na ikinangiti niya.
“Biyudo-biyudo ka riyan, bakit tayo ba? Halika na nga nang makapagpahinga na ang kaibigan ko,” masungit na yaya naman ni Dianne rito.
Tatawa-tawa naman si Marc habang nakatingin kay Dianne. “HB ka naman Hon. Sige na Gra
