Habang bumabyahe ako pauwi sa'min ay nakatulala lang ako. Hindi ito ang unang nangyari na may nagtangkang gumahasa sa'kin. Pero nakakatrauma pa rin tuwing nararanasan ko. Sa awa ng Diyos ay hindi naman natutuloy ang mga tangka nila na gahasain ako since minsan ay nakakalaban ako o hindi kaya ay may tumutulong din sa'kin.
Porket ang trabaho ko ay ang ibenta ang katawan ko ay tingin na sa'kin ng mga lalaki ay laruan. Hindi na nila ako nakikita bilang babae. Nakikita na lang nila ako bilang isang laruan na gagamitin lang nila kapag tigang na tigang sila.
Ilang beses ko nang naranasan ang ganitong bagay pero nagpapakatatag pa rin ako dahil wala naman akong ibang masasandal kundi ang sarili ko lang. Hindi ko naman masabihan ang mga kapatid ko dahil mga bata pa.
Pinunasan ko ang luhang tumulo
