“Naalimpungatan ako na may humahalik sa bibig ko, ramdam ko ang kabigatan nito sa ibabaw ng aking katawan.
Nakadama ako ng kasiyahan dahil sa kaalamang dumating na ang asawa ko, pero nangingibabaw pa rin ang galit na nararamdaman ko.
Imbes na tumugon ay pinalis ko siya sa ibabaw ko. Puwersahan akong tumagilid at tahimik na bumangon. Natigilan si Alistair sa naging reaksyon ko at matamang pinagmasdan ang bawat kilos ko.
Walang ingay na lumabas ako sa silid ng mga bata habang ibinubuhol ang tali ng roba sa gilid ng aking katawan. Ramdam ko ang presensya ng asawa ko mula sa aking likuran habang tinatahak ang madilim na pasilyo patungo sa silid naming mag-asawa.
“Bakit ka nagagalit?” Naguguluhan na tanong sa akin ni Alistair, pero hindi ko siya pinansin. Lumapit ako sa kama, dinampot ko
