Chapter 59
“Evan!!” Napatingin siya sa gilid nang marinig niya ang sigaw ni Alastor.
Guro...
Hindi makapaniwala ang lahat sa kanilang nakikita. Ang ika-pitong prinsipe ng Doumentry Kingdom na si Evan Ignatius Rozel Doumentry VII ay nasa harapan ng lahat. Napatayo ang hari at reyna at kaagad na bumaba ang mga ito sa arena. Lumapit na rin si Alastor nang makita si Evan.
“A-Anong... patay ka na! sino ka? Bakit ka nagpapanggap na kapatid namin?!” sigaw ni Jeremiah.
“Impostor!” sigaw naman sa kaniya ni Plavo.
Napatingin siya kay Philiph na masama ang tingin sa kaniya. Ilang sandali pa ay lumapit ito at muli na namang ngumiti ng katulad ng dati. Ang ngiti nitong iyon ang nakapagpahulog sa kaniya sa kabutihan nito. Ni hindi niya naisip na ito ang may masamang balak sa kaniya dahil sa ngiti
