Hindi ako makapaniwala nang marinig ko ang napag-usapan ni Jax at ng babae na nagngangalang si Gwyn. Hindi pa malinaw sa akin kung ano talaga ang relasyon nilang dalawa. Pero sapat na para maisip ko na nagloloko sa akin si Jax. Hindi ko alam kung ano ang dapat kong maramdaman ngayon. Halo-halo ang nararamdaman ko. Pero naglalaban ang gulat, sakit, at galit sa puso ko. Sa oras na ‘to ay hindi ko alam kung dapat ko na ba silang sugudin para malaman nila na narito ako o manatili muna ako rito na nakikinig lang sa kanila.
‘Di ako makapaniwala na nagawa sa akin ni Jax ‘to. Hindi na siya ang dating Jax na nakilala ko. Nakakadiri… Nandidiri na ako ngayon dahil ang kama na hinihigaan naming dalawa, may ibang babae pa pala na humihiga. Ang bahay ko na napagawa ko, may ibang babae pala ang nakikin
