CARMELA
Dahil nabuburyo na ako dito sa bahay, kinulit ko si Daevon na mag-grocery na lang kami mamaya. Malapit na kasing maubos ang stocks namin.
"Gising na, Daevon. Tanghali na!" sigaw ko sa kaniya.
"Love, it's still early. Hindi pa open ang mga department store."
"Magluluto ka pa, mag-pre-prepare ng baon ni Fedirich at ihahatid mo pa siya. Kaya bumangon ka na diyan kung ayaw mong buhusan kita ng malamig na tubig."
Ang aga-aga, pinapainit niya ang ulo ko. Alas singko na ng umaga pero nakahilata pa rin siya sa higaan namin. Samantalang ako, nakaligo na. Kung ganiyan siya palagi ay mas mabuting bumalik na lang siya sa trabaho niya. Bigla siyang naging tamad.
Anak ng tinapa! Hindi pa talaga siya bumangon.
"Daevon! Babangon ka ba o hindi?" Talagang ibabato ko sa kaniya ang hawak ko
