CARMELA
Hindi kami nakapasok sa loob ng presinto kagabi dahil biglang nagkagulo. Mas priority ni Daevon ang kaligtasan naming dalawa kaya umuwi na lang kami.
"Masama ba ang pakiramdam mo ngayon? Ang init mo kasi," aniya.
"Oo, ang bigat ng ulo at katawan ko. Mukhang lalagnatin ako ngayon."
"Saka na lang natin pupuntahan ang papa mo kapag magaling ka na. Ang taas ng lagnat mo, baby. Diyan ka muna at tatawagan ko si Doctor Velasco para tingnan ka."
He's really worried. Kulang na lang ay pilitin niya akong pumunta sa ospital para magpa-confine.
Hindi ko kayang bumangon ngayon dahil konting galaw ko lang ay nahihilo na agad ako. Mas mabuting matulog muna ako para mawala ang kirot sa aking ulo.
"Nasaan po si mama?" narinig kong tanong ni Fedirich kay Daevon.
"Natutulog pa siya, anak
