ALEXIS ALEJO
Nang marating ko ang lugar, agad ko narinig at nakita ang mga bombero na nag-aapula sa mga nasusunog na bahay na nadamay sa pagsabog na narinig ko. Hindi ko akalaing malawak ang nilikha ng pagsabog, may iilan na rin akong nakitang reporter sa paligid. Saka ipinarada ko na ang aking motor malapit sa sasakyan ng mga pulis at bumaba. Hinanap ko si Nathan.
"Alex!" narinig kong tawag sa akin ng pamilyar na boses.
Nang lumingon ako, nakita ko si Joseph, sugatan ito pero mukhang hindi naman malala. Agad akong lumapit rito.
"Kumusta ka? Si Nathan?" agad kong tanong kay Joseph
"Ayos lang ako. Nandoon na si Kap sa may ambulansiya," saka itinuro nito ang lokasyon. "Kasalukuyan siyang ginagamot roon. Wala naman siyang seryosong tinamo, mga pulos gasgas lang," ang paniniguro nito.
Na
