Monday na ngayon. Lahat kami ay nasa field.
Si Mio at Den ang aking katabi. Tahimik lang kaming nanonood sa program na ginaganap ngayon.
Ito ang unang beses ko na nakita ang kabuuan ng bilang ng mga estudyante rito.
Sobrang dami pala talaga nang pumapasok dito. Kinakailangan talagang isang malakasang pagsabog ang maisagawa para masakop ang buong Academy, pati na rin ang ka-lapit bahay.
Maiingay ang mga estudyante. Ang iba at nagkukwentuhan. Hindi na nakikinig sa sinasabi sa unahan.
"Kamusta ka naman, Mio?" tanong ko sa kaniya.
Tiningnan ko ang katawan niya para makasiguro na walang nangyari sa kaniyang masama.
Bigla kong napansin na nakatingin na pala sa akin si Chelly. Dahan-dahan akong umiwas sa kaniyang mga titig.
"Ayos lang ako, Minlei," sagot niya. "Huwag ka masyadong mag-alal
